Банкроттықтың үш тәсілі бар – ол соттан тыс банкроттық, сот банкроттығы және төлем қабілеттілігін қалпына келтіру.
«Ең көп шағым соттан тыс банкроттық тәсілі бойынша түседі. Бұл микроқаржы ұйымдар, коллекторлық агенттіктер және екінші деңгейлі банктерге қарыздар бойынша қаралады. Мұнда борыш 1 600 АЕК-тен аспауы тиіс. Сондай-ақ қарыз 12 ай ішінде өтелмеуі тиіс және мүлік болмау керек. Арыз бермес бұрын қарыздар бойынша банкпен есеп айырысу рәсімі жүргізілуі тиіс. Сонымен қатар, заңда ерекше жағдайлар қарастырылған: атаулы әлеуметтік көмек алушылар үшін 12 ай ішінде төлемнің болмауы туралы критерий қолданылмайды және берешегі 5 жылдан артық өтелмейтін азаматтар үшін осы соттан тыс процедура қолданылады», – деді спикер.
