ТЖМ өкілінің айтуынша, мемлекеттік қызмет көрсету сапасын арттыру бойынша жұмыс тұрақты негізде жүргізіледі. 2020-2022 жылдары көрсетілген қызметтердің сапасына жүргізілген қоғамдық мониторинг нәтижелері туралы есеп көрсетілген қызметтердің жоғары, тұрақты және оң динамикасын көрсетті. Есептік кезеңдегі орташа балл 5-тің 4,85-ін құрады.
«Мемлекеттік қызметтер көрсету тәртібін регламенттейтін нормативтік құқықтық актілерді ревизиялау және өзектендіру аясында өткен жылы 10 нормативтік құқықтық актіге өзгерістер енгізілді, атап айтқанда нормалар Қазақстан Республикасының Әкімшілік рәсімдік-процестік кодексімен, сондай-ақ «Мемлекеттік көрсетілетін қызметтер туралы» Қазақстан Республикасының Заңымен үйлестірілді», – деді спикер.
