ҚР Денсаулық сақтау министрлігінің хабарлауынша, өткен жылы санитариялық авиацияның көмегімен 4420 пациентке, оның ішінде: 1468 (33%) патологиясы бар балаға, 730 (17%) жарақаттанған, жазатайым оқиғаларға ұшыраған және уланған пациентке, акушерлік практикадағы шұғыл жағдайлар бойынша 859 (19%) пациентке, қанайналым жүйесі аурулары бар 560 (13 %) пациентке, 517 (12 %) жаңа туған пациентке, басқа аурулары бар 286 (6%) пациентке медициналық көмек көрсетілді.
2022 жылдың қорытындысы бойынша 5230 медициналық қызмет орындалды, оның ішінде медициналық ұйымдарға 2381 пациент (45%) жеткізілді, 153 күндізгі консультация (3%) өткізілді, 205 операция (4%) орындалды, 2491 (48%) қашықтықтан медициналық қызмет ұйымдастырылды.
Халыққа консультациялық және жедел медициналық көмек көрсету үшін Астана, Алматы қалаларының республикалық клиникалары мен медициналық ұйымдарынан 251 маман тартылды.
Медициналық авиация жұмысы пациенттерді тасымалдау, бетпе-бет консультациялар, операциялар жүргізу, қашықтықтан медициналық қызметтер көрсету, донорлық ағзалар мен биоматериалдарды тасымалдау сияқты бағыттарда жүргізіледі. Бүгінгі таңда республика бойынша орташа медициналық авиация тәулігіне 15 рет ұшуды жүзеге асырады.
2022 жылы медициналық авиация нысанында медициналық қызметтер көрсету үшін Ұлттық шұғыл медицинаны үйлестіру орталығының диспетчерлік қызметіне 2985 өтінім келіп түсті, оның 628-інен бас тартылды (метеожағдайлар, техникалық себептер, пациенттің жай-күйінің нашарлауы және т.б.).
2022 жылдың қорытындысы бойынша медициналық авиация 2357, оның ішінде тікұшақтармен – 470, ұшақтармен – 1887 (оның ішінде 41 ұшуды Азаматтық авиацияның тұрақты рейстерінің әуе кемелері орындады) ұшуды орындады.
Республика шегіндегі медициналық авиация рейстерінен басқа, шет елдердегі медициналық ұйымдарда аса ауыр жағдайда жүрген Қазақстан Республикасының азаматтары мен қандастарды халықаралық тасымалдау жүзеге асырылады. 2022 жылы шетелдік клиникалардан медициналық авиация отандық медициналық ұйымдарда емдеуді жалғастыру үшін Қазақстан Республикасының 16 азаматын тасымалдады.
Донорлық ағзаларды алу жөніндегі мамандарды тасымалдау үшін 5 ұшу және биоматериалды 1 тасымалдау орындалды.
Медициналық авиацияның мүддесі үшін 2022 жылы 33 әуе кемесі – 20 ұшақ және 13 тікұшақ пайдаланылды. Барлық пайдаланылатын әуе кемелері ҚР Азаматтық авиация комитетінде сертификатталған.
Ахуалдық орталықтың қызметкерлері тәулік бойы күшейтілген режимде ауыр пациенттер үшін 33 143 телефон консультациясын ұйымдастырды. Ахуалдық орталық тұрақты негізде елімізде болған төтенше жағдайларға күнделікті мониторинг жүргізеді.
ҚР азаматтарына медициналық авиация нысанында шұғыл медициналық көмек көрсету тегін медициналық көмектің кепілдік берілген көлемі шеңберінде жүзеге асырылады.
