Елімізде ақпан айының соңғы аптасында «Қауіпсіз жол» жедел алдын алу іс-шарасы өткізілді. ҚР ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранованың мәліметінше, іс-шара барысында жол қозғалысы ережелерін бұзған 70 мыңнан астам жүргізуші әкімшілік жауапкершілікке тартылды, оның ішінде қоғамдық көлік жүргізушілері 1,2 мыңнан астам бұзушылыққа жол берген.
«Сонымен қатар автожолдардың 4 мың шақырымға жуық авариялық-қауіпті учаскелері зерттеліп, қосымша 600 астам жол белгісі орнатылды», - деді А. Боранбаева Орталық коммуникациялар қызметі алаңында өткен брифингте.
Спикер «Қауіпсіз жол» жедел алдын алу іс-шарасы барысында 2 мыңнан астам автокөлік әртүрлі құқықбұзушылықтар жасағаны үшін айып тұрақтарына қойылғанын атап өтті.
Брифингтерден хабардар болғыңыз келе ме?
Біздің Telegram каналға жазылыңыз!
