«Ауылдық аумақтарды дамытуды институционалдық қамтамасыз ету бойынша тізбекті өзектендіре отырып, ауылдық елді мекендерді айқындау өлшемшарттарын қайта қарау, шағын ауылдарды одан әрі дамыту мәселелерін шешу мақсатында ведомствоаралық комиссия құру жөніндегі іс-шаралар көзделген», - деді спикер.
Елді мекендердің санаттарын «Қазақстан Республикасының әкімшілік-аумақтық құрылысы туралы» Заңның талаптарына сәйкес келтіру жөніндегі іс-шаралар іске асырылатын болады. Спикердің айтуынша, қазіргі уақытта халқының саны 30 мыңнан асатын ауылдар, сондай-ақ әкімшілік-аумақтық заңнамаға сәйкес өз мәртебесіне сәйкес келмейтін қалалар бар.
Вице-министр атап өткендей, даму әлеуеті бар ауылдық елді мекендердің әлеуметтік-экономикалық дамуына мониторинг жүргізіледі, онда мониторинг нәтижелерін ескере отырып және оларды дамытуға сараланған көзқарас негізінде нақты іс-шаралар мен жобалар көзделетін болады.
