«Қалада балабақша жетіспейді, мектептерде бала саны шамадан тыс толық болып отыр», – деді әкім.
Жеке инвестициялардың арқасында алдағы екі жылдың ішінде 30 балабақша салынады. Сонымен қоса, екі жыл ішінде қалада 40 мектеп салынады, оның ішінде жергілікті бюджет есебінен 13 мектепті пайдалануға беру жоспарланған болса, оның 11-і биыл беріледі.
Жеке инвестициялар есебінен қазір 3 мектеп салынып жатыр, сондай-ақ биыл «Жайлы мектеп» жобасы бойынша 24 мектептің құрылысын бастау жоспарлануда. Осы бағдарламаның арқасында 15 мектептің құрылыс жұмыстары басталып кетті. Бұл елордадағы оқушы орындарының тапшылығы мәселесін толығымен шешуге мүмкіндік беріп отыр, деп нақтылады Ж. Қасымбек.
«Осы айда біз 15 заманауи балаларға арналған білім беру орталығын салуға Мемлекет басшысының қолдауын алдық. Осылайша, үш жыл ішінде біз үйірмелерге деген негізгі қажеттілікті жабамыз. Бірінші кезеңде елорданың әр ауданында бір-бір орталықты салудан бастаймыз», – деді Астана қаласының әкімі.
Сонымен қатар ол Астанада жаңа денсаулық сақтау нысандарының салынатынын айтты.
«Денсаулық сақтау саласында екі перинаталдық орталық салу жоспарлануда. Бір орталық бойынша құрылыс жұмыстары осы жылы басталады. Жеке инвестициялар есебінен биыл екі амбулаториялық-емханалық кешен құрылысын бастаймыз», – деді Ж. Қасымбек.
Әлемдік деңгейдегі медициналық кластер құру елорданы дамыту жоспарында бар, деп түйіндеді Астана әкімі.
