«Ең алдымен, бұл адам саудасының алдын алу. Екіншіден, адам саудасының құрбандарына көмек көрсету. Үшіншіден, адам саудасының жолын кесу. Төртінші бағыт – серіктестік пен ынтымақтастық. Ол бұрынғылардың барлығын біріктіреді», – деді халықаралық сарапшы.
Оның айтуынша, 2002 жылдан бері жұмыс істеп келе жатқан ХКҰ жаһандық базасы бүкіл әлем бойынша адам саудасы бойынша 150 мыңнан астам істі қамтиды. ХКҰ мен Гарвард университетінің есебіне сәйкес, соңғы 20 жылда адам саудасының құрбаны болған балалардың жартысынан көбі мәжбүрлі еңбекке сатылған. Балалардың жалпы санының 20%-ы – жыныстық мақсатта пайдаланылатын қыздар.
Халықаралық көші-қон ұйымы соңғы 25 жылда адам саудасының 100 мыңнан астам құрбанына көмек көрсетті.
«Қазақстан Республикасында 2004-2020 жылдар аралығында адам саудасының 2 мыңнан астам құрбанына көмек көрсетілді. Біз көмек көрсетуді 2021 жылы аяқтадық, өйткені Қазақстанда 2016 жылдан бастап мемлекет қолдауымен адам саудасының құрбандарына арналған баспаналар жұмыс істейді», – деп атап өтті Ә. Белоносова.
Өз кезегінде, «Сана Сезім» әйелдер бастамашылшылығы құқықтық орталығы» қоғамдық ұйымының (Шымкент қ.) директоры Шахноза Хасанова қатысушылардың назарын адам саудасының жаңа түрлеріне аударды. Бұл интернет арқылы тарту, онлайн порнографиялық қызметтер көрсету.
Адам саудасына қарсы күрестің тиімділігін арттыруға мемлекеттік органдардың, ҮЕҰ-ның, халықаралық ұйымдардың және бүкіл азаматтық қоғамның белсенді өзара іс-қимылы ықпал етеді.
