Түтін туралы хабарлау құралдарын, атап айтқанда «өрт датчиктерін» орнату өрттің алдын алуға мүмкіндік береді. Бұл құрылғылар адамға өрт қаупі төнген кезде қауіпсіздік шарасын қолдануға мүмкіндік береді. Бұл туралы Орталық коммуникациялар қызметі алаңында Төтенше жағдайлар министрлігінің Өртке қарсы қызмет комитеті төрағасының орынбасары Марғұлан Аманбаев айтты.
«Министрліктің ұсынысы бойынша соңғы үш жылда әкімдіктер мен демеушілердің есебінен тұрғын үйлерде 176 мыңнан астам дербес датчиктер орнатылды. Олардың іске қосылуының арқасында 200-ге жуық азаматтың өмірі сақталып қалды», – деді спикер.
Оның айтуынша, 2022 жылы өткен жылы көмірқышқыл газының концентрациясы туралы хабарлайтын датчиктердің 6-ауы іске қосылғаны тіркелді, нәтижесінде 27 адамды улану мен өлімінен сақтап қалды.
Жылу беру кезеңінде адам өліміне жол бермеу мақсатында министрлік азаматтарға өздері мен балаларын өрттен қорғауға мүмкіндік беретін газданудан алдын ала хабарлау және бақылау датчиктерін орнатуды ұсынады.
Сондай-ақ спикер қазір министрлік қызметкерлері тұрғын үй секторында рейдтер, аулаларды аралау жұмыстарын өткізуде екенін айтты. Мамандар өрт қауіпсіздігі шараларын сақтау бойынша кеңестер беріп, әдістемелік көмек көрсетеді. Сондай-ақ министрліктің сайтында және ТЖ департаменттерінің әлеуметтік желілердегі парақшалар ақпараттық бейнероликтер мен өрттің алдын алу жөніндегі уақтылы шаралар қабылдауға мүмкіндік беретін жадынамалар орналастырылған.
