30 елден келген делегациялардың құрамында 300-ден астам IT-компаниялардың өкілдері, 450 спикер, 100-ден астам инвестор мен бизнес-періштелер мен 150-ден астам стартаптарды қоса алғанда , қатысушылар саны 30 мыңнан асты. Биылғы форумның тақырыбы «Жасанды және адами интеллект: дұрыс тепе-теңдік» болды.
«Дәстүрлі түрде Digital Bridge 2023 ашылуы Қазақстан Президенті Қасым-Жомарт Тоқаевтың қатысуымен пленарлық отырыс форматында өтті. Мемлекет басшысы форумды аша отырып, соңғы 5 жылда оның Орталық Азиядағы IT-индустрияның соңғы үрдістері мен даму перспективаларын талқылауға арналған ең ірі алаңға айналғанын атап өтті», – деп мәлім етті спикер.
Форум аясында keynote форматында 55 панельдік сессия, дөңгелек үстелдер мен презентациялар өтті. Draper Fisher Jurvetson-ның венчурлық инвесторы, негізін қалаушы, Дрейпер университетінің негізін қалаушы Тим Дрейпер, TikTok бас директоры Show Chu, Digital Nomads қауымдастығын құрушы Әсет Әбдуәлиев, ICPC қорының атқарушы директоры Уильям Паучер, SpaceX-тің Starlink мәселелері жөніндегі вице-президенті Лорен Дрейер, Arbuz, Aviata, Рinemelon USA және Ticketon онлайн қызметтерінің негізін қалаушы Алексей Ли сөз сөйлеп, отырыстың модераторы қызметін жазушы, продюсер, Barrat Media директоры Джеймс Баррат атқарды.
«Қазақстанды IT ел ретінде дамытуға қатысты маңызды тақырыптар, креативті индустрия, GPT-ді білім беру саласында қолдану, Smart City тұжырымдамалары, цифрлық экономикада әйелдер үшін туындайтын жаңа перспективалар, венчурлық нарықтарды дамыту, ғарыштық байланыстағы прогресс, 5G-дің цифрлық трансформацияға әсері, No Code трендтері, сондай-ақ жасанды интеллект пен демократияның өзара ықпалдастығы және бүгінгі күні деректерді басқару әдістері сынды мәселелер талқыланды, - деп тоқталды цифрлық ведомствоның өкілі.
