Құрық портындағы «Саржа» КТТ құрылысының жобасын бірнеше жыл қатарынан қазақстандық SEMURG INVEST атты девелопер-компаниясы жүргізеді. Барлық жер жұмыстары аяқталды, теміржол кірме жолдары, екі айлақ және жалпы жүк терминалы салынды. Бүкіл жоба бірнеше терминалдардың (астық, жалпы, құйма жүктер, әмбебап) және көлік-логистикалық кешеннің құрылысын қамтиды.
Отырыста SEMURG INVEST ЖШС Бас директоры Нұржан Марабаев атап өткендей, 2030 жылға қарай «Саржа» ККТ барлық терминалдарының құрылысын аяқтау орта дәліздің өткізу қабілетін жылына 10 млн тоннаға дейін арттыруға мүмкіндік береді.
Сонымен қатар, Каспий көлік-логистикалық торабының бөлігі болып саналатын Ақтау теңіз портында контейнерлік хабының құрылысы жүргізілуде. Контейнерлік хаб 19 га жер учаскесі көлемінде резервтелген «Ақтау теңіз порты» арнайы экономикалық аймағы базасында құрылатын болады. Құрылыстың аяқталуы 2025 жылдың екінші тоқсанында жоспарлануда. Бұл Транскаспийлік халықаралық көлік маршруты (ТХКМ) арқылы жүк тасымалын дамытып, Қытайдан Еуропаға бағыт алған транзиттік жүктің бір бөлігін Транскаспийский бағдарына қайта бағыттауға және де «Түркіменбашы - Ақтау - ҚХР» контейнерлік тізбекті дамытуға мүмкіндік бермек.
ҚТЖ ҰК АҚ мәліметі бойынша, Қытайдың Ляньюньган теңіз порты контейнерлік хаб құрылысына инвестиция салуға мүдделі. Қытай портында тәулік сайын Қазақстанға қарай 2 контейнерлік пойыз жасақталады. Болашақта Сианьдағы қазақстандық құрғақ порттың құрылысымен Ляньюнган арқылы Қазақстанға тауарлардың жүк ағыны айтарлықтай артады.
Каспий торабының толық жұмысы үшін Бейнеу – Маңғыстау темір жол учаскесінің өткізу қабілетін арттыру қажет. Қазіргі уақытта ҚТЖ-да «Челябинск-Болашақ» теміржол магистраліндегі «тар жерлерді» жою бағдарламасы әзірленді, оның бір бөлігі «Бейнеу-Маңғыстау» учаскесі болып табылады. Қосымша жеті бөлек пункт пен екі жолды ставкалардың құрылысы жоспарланған. Осы шаралар тасымалдаудың күрделі учаскілерін жоюға жеткілікті болмақ.
«Еуразияның көлік қаңқасының негізгі болып саналатын және ЕАЭО елдері мен бақылаушы елдерді, мысалы Өзбекстан сияқты бақылаушы елдерді байланыстыратын Солтүстік-Оңтүстік халықаралық дәлізінің болашағы зор. Бұл Еуразиялық өнеркәсіптік кооперацияны дамытуға және Қазақстанды логистикалық хабқа айналдыратын жер, міне осындай міндеттерді Мемлекет басшысы алдымызға қойған еді», - деп атап өтті Серік Жұманғарин. - Каспийдегі климаттық және экологиялық өзгерістерді, Құрық портында жаңа қуаттылықтардың пайда болуын ескере отырып, бұл порттың көлік-логистикалық маршруттар тізбегін қайта құрудың маңызды бөлігі болуға барлық мүмкіндіктері бар. Оның әлеуеті мол.
Сондай-ақ, жедел жұмыс тобының отырысында жаңа көлік-логистикалық жобалар таныстырылды. Атап айтқанда, Алматыдағы E-Logistics хабын құру жобасы қарастырылды. 2030 жылға қарай Алматы агломерациясының 5 млн адамға дейінгі өсу әлеуеттін ескере отырып, өңірді агроөнеркәсіптік жүктерді шоғырландыру және бөлу өңіріне айналдыру қажет. Жаңа хабты құру үшін екі мысал қарастырылуда: «Ранжис» (234 га) француз агропроцессингтік хабы және ресейлік «Фудсити» (104 га). Орналасу аймағы - Алматы маңы. Құрылыс үшін әлеуетті инвесторлар бар.
ҚХР-дан жүк тасымалын ұлғайтуды және Алматы облысының ұйғыр ауданындағы «Көлжат» өткізу пунктін жаңғыртуды ескере отырып, «Құрғақ порт - Көлжат» халықаралық цифрлық көлік-логистикалық хабын салу жоспарлануда. Жоба 2023 жылдан 2027 жылға дейін 2 кезеңге бөлінді. Уақытша сақтау қоймаларын, көлікке арналған сервистік орталықтарды салуды, барлық қажетті мемлекеттік, брокерлік және қосалқы қызметтерді, тауарларды экспорттау орталығын көрсетуді қамтиды. Жобаға 8,5 мың га жер берілді.
Сондай-ақ, кеңесте Серік Жұманғарин «Алатау» ИСЛК, «Еуразия» трансшекаралық сауда орталығы, «Орталық Азия» ШХЫО, Қорғас торабының жобаларын іске асыру барысын тыңдады. Келесі отырыста «Қорғас» ШХЫО дамыту тұжырымдамасын қарастыру туралы шешім қабылданды.
