Яғни енді тек көлік корпусы өзгерген кезде, сондай-ақ шамадан тыс жүктеме болғанда және жүкті бір көліктен екіншісіне тиегенде ғана қайта тіркеу жүзеге асырылады.
Алтай Әлінің айтуынша, қазақстандық тасымалдаушылардың үлесі 2017 жылы 51%-ды құрады. Қайта тіркеуге тыйым салынғаннан кейін, нарықта олардың тек үштен бір бөлігі ғана қалды. Олардың арасында Еуро 5 және Еуро 6 стандарттары бойынша Қазақстаннан Еуропаға көлікпен баратын ірі тасымалдаушылар бар. «Қайта тіркеуге» рұқсат берілгеннен кейін, соңғы 2 жылда тасымалдау үлесі тағы да 50%-ға жетті.
«Көптеген адам оны растамаса да, біз тіркеудің экономикалық тұрғыдан тиімді екенін көріп отырмыз. Тағы бір мәселе – ол Қазақстандағы шетелдік қатысуы бар бірлескен кәсіпорындар. 2023 жылға дейін бізде 13 елден 62 компания болды. Автопаркте 2066 көлік құралы болды. 2024 жылы біз көлік пен компаниялар санының төмендегенін көріп отырмыз», – деп атап өтті комитет төрағасы.
Бұл 2023 жылға дейінгі шетелдік бланкілерді, рұқсат қағаздарын беруді шектеумен тікелей байланысты. Мұндай тосқауыл бірлескен кәсіпорындардың көрші нарықтарға кетуіне әкеп соқтырды. Сондықтан бұл механизм де қайта қарастырылады.
