«Төмендетудегі негізгі үлесі әлеуметтік маңызы бар азық-түлік тауарларының бағасын тұрақтандыру және инфляцияны бақылау және төмендету жөніндегі шаралар кешенін іске асыру жөніндегі кешенді тәсіл есебінен қамтамасыз етілді», – деді спикер.
Ведомство өкілдері әлеуметтік маңызы бар азық-түлік тауарларын үнемі бақылауда ұстап отыр. Мамандар жергілікті атқарушы органдардың осы бағыттағы қызметін үйлестірумен айналысады. Әр апта сайын Премьер-Министрдің орынбасарының қатысуымен өтетін кеңестерде әлеуметтік маңызы бар азық-түлік тауарларының бағасын тұрақтандыру шаралары талқыланады. Сондай-ақ бұл тауарлардың бағасын өсірмеу бойынша арнайы Жол картасы жүзеге асырылып жатыр.
Айта кетерлігі, отандық заңнамада әлеуметтік маңызы бар тауарларға 15%-ды құрайтын үстемеақы қарастырылған. Одан артық үстемеақы қосатын кәсіпкерлерге тиісті шаралар қолданылады. Салық органдары мен ҚР Сауда және интеграция министрлігі арасында келісім жасалып, әлеуметтік маңызы бар тауарларды сататын саудагерлер электронды шот-фактура жүргізуге міндеттелді.
