Мектеп демалысы кәмелетке толмағандардың ойын-сауық орындарына, соның ішінде елдің су айдындарына үлкен ағынын әкелді, құтқарушылардың ерекше назары шомылу кезеңіндегі балалардың қауіпсіздігіне аударылды. Үлкен үгіт-насихат жұмыстары ұйымдастырылды, осы мақсаттарға тартылған құтқару бөлімшелері қосымша қажетті құралдармен жабдықталды.
«Өткен жылдардағы талдау көрсеткендей, су айдындарындағы қолайсыз оқиғалардың саны азаматтардың «Қауіпсіздік мәдениеті» аталатын деңгейіне тікелей байланысты. Оның төмен деңгейі халықтың, әсіресе балалардың суда болуымен байланысты қауіптерді түсінбеуінен көрінеді. Сондықтан азаматтардың қауіпсіздігін қамтамасыз етуге бағытталған профилактикалық жұмыс жыл бойы жүргізіледі. Сондай-ақ шомылу маусымы кезеңінде судағы қауіпсіздікті қамтамасыз ету мәселелері Үкіметтің, төтенше жағдайлардың алдын алу және жою жөніндегі ведомствоаралық мемлекеттік комиссияның отырыстарында қаралды. Өңірлерде төтенше жағдайлар жөніндегі комиссиялардың 233 отырысы өткізілді», – деді спикер.
Нәтижесінде барлық мүдделі мемлекеттік органдарға су айдындарында азаматтардың қауіпсіздігін қамтамасыз ету бөлігінде міндеттер қойылды. Осылайша шомылу маусымының басталуына дейін және кезеңінде: теледидарда 1800-ден астам сюжет, радиода 3000-нан астам сөз сөйлеу, газеттерде және әлеуметтік желілерде 2343 мақала жарияланды, 7000-нан астам пост, мессенджерлер және өзге де әлеуметтік желілер арқылы 543 тікелей эфир жүзеге асырылды. Өткізілген іс-шаралармен 6 млн жуық адам, оның ішінде 1,5 млн жуық бала қамтылды.
Сонымен бірге, оқыту кезеңінде 30 400 бала жүзу дағдыларына оқытылды, бұл жұмыс жалғасын табуда. Профилактикалық іс – шаралар кешенін өткізу барысында 370 мыңнан астам көрнекі оқыту өнімдері таратылды. Шомылуға тыйым салынған 4 598 орын анықталды, онда ескерту және тыйым салу белгілері орнатылды.
