Дидар Смағұлов: «Әрбір ата-ана ҰБТ-ның өткізілу барысын қадағалай алады»
Ұлттық бірыңғай тестілеуді өткізудің барлық процесі ашық және объективті болады. Бұл туралы ҚР Президенті жанындағы Орталық коммуникациялар қызметінің алаңында өткен онлайн-баспасөз конференциясында Ұлттық тестілеу орталығының директоры Дидар Смағұлов мәлімдеді.
«Біз ҰБТ тапсыратын түлектердің ата-аналарын не мазалайтынын білеміз. Сондықтан біздің орталық қазақстандық түлектердің ҰБТ тапсыру кезінде барынша ашықтық пен әділдікті құру үшін барлық шараларды қарастырады. Ата-аналардың немесе туыстарының әрқайсысы ҰБТ - ның барысын бақылай алады, сондай-ақ баланың ұлттық тестілеуден қандай жағдайда және қалай өтетінін қадағалай алады», - деп Д.Смағұлов мәлімдеді.
