Қазіргі уақытта 30 мыңнан астам шақыруларға қызмет көрсетіледі, оның ішінде: COVID-19 күдікті аурулар бойынша - 13,6% (4 100 шақыру); стационарларға - 33,7% (1 383) жеткізіледі; емханаларға амбулаторлық емдеуге - 66,2% (2 717) беріледі.
Анықтама: шақырулардың 84,6% - ы басқа себептер бойынша өтініштер құрайды: жарақат, инфаркт, инсульт, улану, босану т.б. бұл пациенттерді "таза" стационарларға жатқызады.
Денсаулық сақтау вице-министрі Ажар Гинияттың айтуынша, 1 967 жедел медициналық жәрдем автокөлігі бар. Алматы, Павлодар және Түркістан облыстарында машиналар жетіспейді.
Бұл проблеманы жедел шешу үшін медициналық емес мемлекеттік ұйымдардың автокөліктерін тарту, медицина қызметкерлерін тасымалдау үшін автопарктердің резервтерін тарту, дәрі-дәрмектерді жеткізу және пациенттердің басқа да мұқтаждықтары бойынша жұмыс жүргізілуде.
Отандық өндірістегі 807 бірлік автокөлік сатып алу ұйымдастырылды. Шілденің соңында машиналардың бірінші партиясы Нұр-Сұлтан қаласына (14 машина) және Солтүстік Қазақстан облысына (18 машина) келіп түседі.
«Жедел жәрдем қызметінің медицина қызметкерлері бірінші болып теріс эмоциялармен бетпе-бет келіп жоғары дене және психоэмоционалдық жүктеме жағдайында жұмыс істейді. Азаматтарға шақыруларға қызмет көрсетудің басымдылығы бірінші кезекте пациенттер жағдайының ауырлығымен анықталады»,- деп толықтырды вице-министр.
