Орталық коммуникациялар қызметінің алаңында сөз сөйлеген Денсаулық сақтау вице-министрі Людмила Бюрабекованың ақпараты бойынша, республика бойынша COVID-19 ауруына барлығы 1 536 607 зертханалық зерттеу жүргізілді. Оның ішінде: 1 495 542 теріс, 41 065 оң. Өткен тәулікте-19 509, оның ішінде 1 604 – оң.
Анықтама: қазіргі уақытта зертханалық тестілеудің орташа қуаты зертханалардың 56 санын көбейту есебінен тәулігіне 28 000 тестіні құрайды. 25 маусымдағы жағдай бойынша зертханалар 360 мыңнан астам зерттеуге арналған тест-жүйелермен қамтамасыз етілген, оның ішінде мемлекеттік зертханаларда 300 мыңнан астамы (18 күндік қор).
Өз сөзінде вице-министр мемлекеттік және жеке сектордың диагностикалық зертханаларына жүктемені арттыру фактісін атап өтті. Денсаулық сақтау министрлігі өкілінің пікірінше, бұл халықтың қажетті медициналық көрсетімдерсіз ПТР-тестілеуден өтуге ұмтылуына байланысты.
«Зертханаларда үздіксіз, үш айлық тәулік бойы еңбек тәртібі мамандардың моральдық тұрғыда шаршауына әкеп соғуда. Дәрігерлердің жұқтыру көрсеткішінің жоғарылығы кадр тапшылығын туындатты. Зертханалар үшін реагенттер мен шығыс материалдарын жеткізу мерзімдері кешіктірілген, бұл зерттеулердің орындалуын, жабдықтардың тозуын, техниканы жоспарлы және жоспардан тыс жөндеуді талап етеді»,- деді спикер.
