Еңбек арқылы әлемді мейірімді ету. Волонтерлер лигасының қатысушылары өз алдарына осындай міндет қойып отыр. Қозғалыс белсенділері Орталық коммуникациялар қызметі алаңында алдағы перспективалар туралы өз ойларымен бөлісті.
«Президент Қасым-Жомарт Тоқаев Қазақстан халқына Жолдауында алдымызға зор міндет қойды: қоғамдық санаға еңбек құндылықтары мен идеалдарын сіңіру, жастардың еңбек құндылықтарын қабылдауын өзгерту, оны беделді және беделсіз деп бөлмеу. Егер осы жылға дейін, еріктілер жылына, пандемияға дейін, көптеген адамдар волонтерлікке қатысты скептицизм танытса, мұндай қызмет «абыройсыз» деген стереотип болса, бүгінгідей қиын жағдайда бәрі өз орнына түсті. Тек еңбекпен ғана алға қойылған мақсаттарға қол жеткізуге болады», - деді Қазақстанның волонтерлер лигасының төрайымы Айсұлу Ерниязова.
Бей-жай қарамайтын, еңбек етуге дағдыланған, пікірлес адамдарды топтастыру үшін Еріктілер лигасы құрылды. Онда 15000-нан астам адам болды. Қазіргі уақытта 7,5 мың қазақстандық ерікті бар. Соңғы жылдары Лига бірқатар жарқын авторлық жобаларды жүзеге асырды, жүйелі волонтерлік құрды, еріктілердің жеке геймифицирленген өсу жүйесі іске асырылды.
«Пандемия кезінде еріктілер «Biz birgemiz» қамқорлығымен «Jas otan»-мен бірлесіп белсенді қызмет атқарды. Президент Жолдауында атап өткендей, осы қиын кезеңде біз еңбектің мызғымас маңыздылығына көз жеткіздік, ал волонтерлер қоғам игілігі үшін еңбек етуде және жауапкершілікті сезіне отырып, осы жүйенің маңызды буыны бола отырып, «жауапты мемлекет-жауапты қоғам - жауапты адам» жүйесінің тікелей құрылысшылары болып табылады», - деп қорытындылады Лига басшысы.
