Бүгін Қазақстан Республикасы Президенті жанындағы Орталық коммуникациялар қызметінде Нұр-Сұлтан волонтерлікті қолдау орталығының «Волонтер жылы» туралы брифингінде ҚР Ақпарат және қоғамдық даму министрлігінің Жастар және отбасы істері комитетінің төрағасы Мадияр Қожахмет «Волонтер-2020» жылына дайындық барысы жайлы және Жастар жылы қорытындылары туралы мәлімдеді.
ҚР аумағында 287 волонтерлік ұйым жұмыс істейді. Олардың көпшілігі әлеуметтік салада, іс-шаралар алаңында, жануарлармен жұмыс және этно-волонтерлік қызметпен айналысады. Сондай-ақ волонтерліктің жаңа бағыттары дами бастады, атап айтқанда олар төтенше жағдайлар, медицина, мәдениет, БАҚ және онлайн волонтерлік салалары.
Сондай-ақ, 2019 жылы жергілікті үкіметтік емес ұйымдардың негізінде шағын гранттар бағдарламасын іске асыру аясында Қазақстан Республикасының барлық аймақтарында 17 волонтерлікті қолдау орталығы құрылды. Сонымен қоса, волонтерлік қызметті ғылыми зерттеу басталды, зерттеу барысында 3500 респонденттің жауабы қамтылды. Сонымен қатар, брифингте Нұр-Сұлтан қаласы Волонтерлікті қолдау орталығының басшысы Валихан Бахретдинов Нұр-Сұлтан волонтерлікті қолдау орталығын дамыту бойынша жүргізіліп жатқан жұмыстар туралы айтты.
Нұр-Сұлтан қаласында волонтерлік қызметтің негізгі бағыттары бойынша қызметті жүзеге асыратын еріктілер ұйымдарының құрылған жүйесі бар туралы мәлімдеді. Мүдделі ұйымдармен және еріктілермен өзара әрекеттесу үшін Қазақстандағы волонтерлер мен еріктілер ұйымдарының қызметін үйлестіруге және волонтерлік жобалар / бағдарламалары / акцияларына ақпараттық қолдау көрсетуге мүмкіндік беретін qazvolunteer.kz онлайн-платформа құрылды. Платформаға сәйкес, 2019 жылдың қазан айына 2878 волонтер және 156 волонтерлік ұйым тіркелген.
Ағымдағы жылдың қыркүйегінде платформада университет студенттерін әлеуметтік пайдалы қызметке тартуға бағытталған, «Студенттік әлеуметтік несие» модулі енгізілді (жыл соңына дейін 8000 студент тіркеледі). Студенттердің бұл әлеуметтік пайдалы қызметі 5 әлеуметтік бағытта жүзеге асырылады (балалар үшін инклюзивті білім беру, қарт адамдармен жұмыс, репетиторлық, бос уақытты өткізу және девиантты мінез-құлқы бар балалармен жұмыс). Жалпы жұмыс көлемі 20 немесе 50 сағатқа таңдалған несиеге байланысты.
Жобада тіркелу және студенттің сайт таңдауы qazvolunteer.kz онлайн платформасы арқылы жүзеге асырылады. Қатысу мен жұмыс уақытын бақылауды сайт жүргізеді және есеп түрінде көрсетеді. Нәтижесінде студент 20 (50) мың теңге көлемінде ақы алады және жоғары оқу орны анықтаған 2 (5) академиялық қарызды беру құқығын пайдалана алады.
Қазақстан Республикасындағы ең жақсы волонтерлік тәжірибелер жинағын шығару бойынша жұмыстар жүргізілуде. Бұл жинақ болашақта мемлекеттік, жеке меншік және бизнес секторларына қызмет атқаратын волонтерлерге арналған нұсқаулықтар ретінде таратылады. Бұл жинаққа Қазақстандағы волонтерлік саласындағы ең жақсы әзірлемелер енеді.
«Жылдың үздік Волонтері - 2019» байқауына конкурс басталды, өтінімдер ағымдағы жылдың 22 қарашасына дейін қабылданды. Байқау келесі 10 номинация бойынша өткізілді: «Әлеуметтік-волонтер», «Этно-волонтер», «Оқиға-волонтер», «Эко-волонтер», «Медиа-волонтер», «Жануарлармер жұмыс істейтін волонтер», «Корпоративті волонтер», «Халықаралық волонтер», «Төтенше жағдайдағы волонтер», «Медицина саласындағы волонтер». Үздік волонтерлер 2019 жылғы 11-12 желтоқсанда өтетін Қазақстанның Волонтерлік форумында марапатталды.
