Жануарларға қатыгездік көрсетілген резонанстық жағдайлар бар: Атырауда – тасжолмен итті сүйреу, Алматы облысында – жасөспірімдер күшіктерді тірідей өртеген, Хромтауда белгісіз біреу жеке үйдің ауласында байлаулы тұрған асыл тұқымды неміс овчаркасын атқан, көп қабатты салынып жатқан үйдің төбесінде сиырды құрбандыққа шалу және т.б. Осы оқиғалардың бәрінде әрекеті үшін жазаланғандар жоқ. Қоғам белсенділері жазаны күшейтіп қана қоймай, заңнамалық нормаларды тұжырымдамалық тұрғыдан қайта қарауды сұрайды. Бүгін олар Орталық коммуникациялар қызметі алаңында жануарларға қатысты зорлық-зомбылық деңгейін төмендету бойынша қабылданып жатқан шаралар туралы баяндады.
Атап айтқанда, «Inucobo» жануарларды қорғау қауымдастығының басшысы Лилия Сәрсенованың айтуынша, жануарларға қатысты қолданыстағы заңнамада бір-біріне қайшы келетін 300-ден астам нормативтік-құқықтық акті бар. Сондықтан жеке құжат қажет.
«Атырауда итті тасжолмен сүйреген қылмыс үшін неге жаза қолданбады? Себебі тергеу барысында жүргізуші оны алдымен жүксалғышқа отырғызғанын, содан кейін рельстен өткенде ит жүксалғыштан шығып кетіп, тас жолға түскен, ал ол мұны байқамағанын айтқан. Қылмыстық іс 316-шы бап бойынша қозғалды, ол үшін қылмыстың ниетін, ерекше цинизмін және т.б. дәлелдеу керек. Осылайша, қылмыс құрамы табылған жоқ. Хромтауда жағдай көрнекі. Асыл тұқымды, аса құнды, көрмелерге қатысатын неміс овчаркасы үйдің ауласында байлаулы тұрған, бірақ оны белгісіз адам атып өлтірген. Бұл бап бойынша айтарлықтай шығын талап етіледі, ол 200 АЕК, 2020 жыл – 555 600 теңгені құрады. Овчарка ит құжат бойынша 150 мың теңге тұрады. Ресми түрде қылмыстық әрекеттің белгілері болғанымен қылмыстық іс қозғалған жоқ. Бізге жазалау шараларын қатаңдату ғана емес, заңнаманы тұжырымдамалық тұрғыдан қайта қарау қажет екенін атап өтуіміз керек. Бұл үшін, әрине, жануарларға адамгершілікпен және жауапкершілікпен қарау принциптерін бірден бірінші орынға қоятын және тікелей жүйеге әкелетін бөлек заң қажет. Бізде 300-ден астам нормативтік-құқықтық акті бар және олардың барлығы бір-біріне қайшы келеді. Заңды талдауға терең үңілместен, жануарлардың паналарын заңдастыру керек деп айтқым келеді. Пана үшін ең төменгі стандарттар да жоқ», - деді спикер.
Ол жеке меншікті жануарлардың паналары ашылған жерге біртіндеп тұрғын үйлер салынып, олардың жергілікті тұрғындарға кедергі келтіретіндерін мысалдар келтірді. Ізгілікті реттеу де жоқ, негізінен қаңғыған иттер мен мысықтарды аулау кезінде немесе 3-10 күн ішінде олардың көзін жояды. Бірақ бірқатар баптарда екі ай деп жазылған, бұл мерзім ішінде жануарларға ешкім иелік ете алмайды және олар тірі және сау болуы керек.
