Осы жұмыс аясында екі кешенді жоба әзірленді: «Әскердегі заң және тәртіп» және «Цифрлық алдын алу».

Олардың біріншісі қайғылы жағдайлар – суицидтер, жазатайым оқиғалар, жол-көлік оқиғалары, сондай-ақ қауіпсіздік шараларын бұзум және жарғылық емес қатынастармен байланысты оқиғалардың санын азайтуға бағытталған. Оған офицерлер мен әскери қызметшілерді оқыту жүйесін жетілдіру, есірткіге қарсы күрес тәжірибесін кеңейту, заманауи технологияларды қолдана отырып бейнебақылауды енгізу және басқа да көптеген шаралар кіреді. Екінші жоба әскерге шақыру науқанын, әскери мүлікті есепке алу мен беруді ауқымды цифрландыруды, сондай-ақ бейнебақылау жүйелерін жақсарту үшін жасанды интеллекті қолдануды көздейді.

«Бұдан бөлек, әскери қызметшілердің әскери прокуратура органдарына тікелей жүгінуі үшін электрондық терминалдар орнату көзделген, бұл кез келген инциденттерге жедел ден қоюға мүмкіндік береді. Біз әскери ведомстволармен тығыз ынтымақтастықта лудомания және өзге де жеке себептермен байланысты құқық бұзушылықтар тәуекелін төмендетуге бағытталған заңнамалық бастамаларды әзірледік және ұсындық. Атап айтқанда, әскери қызметшілердің құмар ойындарға және бәс тігуге қатысуы қазір қатаң шектелген, ал осы ережені бұзғаны үшін теріс себептермен жұмыстан шығару қарастырылған. Мерзімді қызметтегі әскери қызметшілерді әлеуметтік қолдауға ерекше назар аударылды. Біз қызмет көрсету кезеңіне және ол аяқталғаннан кейін 60 күн өткен соң «кредиттік демалыс» деп аталатын жеңлдікті енгізуді ұсындық, бұл қызмет көрсету кезеңінде тұрақты табысы жоқ жас сарбаздарға борыштық жүктемені барынша азайтуға мүмкіндік береді», - деп атап өтті спикер. 

Оның айтуынша, ағымдағы кезеңде мүдделі мемлекеттік құрылымдардың қатысуымен мерзімді қызметтегі әскери қызметшілерге кредит беруді шектеу туралы біз бастамашылық еткен мәселе белсенді талқылануда.

«Сонымен қатар біз әскери қызметшілердің денсаулық жағдайына талдау жасадық, ол 2024 жылы әскери қызмет өткерумен тікелей байланысты емес себептер бойынша 230-дан астам сарбаз жұмыстан шығарылғанын анықтады. Денсаулық жағдайы бойынша жарамсыз кандидаттарды шақырудың алдын алу үшін Астана, Шымкент және Абай қалаларында «Е-медициналық тексерілу» пилоттық жобасы іске қосылды. Оның шеңберінде әскерге шақыру комиссиялары мен медициналық мекемелердің ақпараттық дерекқорлары интеграцияланады, бұл қызметке қарсы көрсетілімдерді уақытылы анықтауға мүмкіндік береді. Сонымен қатар біз жетекші ғылыми орталықтардың әзірлемелеріне негізделген жаңа психодиагностикалық әдістерді енгіздік және әскери қызметшілерді онкологиялық ауруларға міндетті скрининг стандартты рәсімге айналды. Бұдан бөлек, әскери ведомстволармен бірлесіп, казармалар мен асханалардан бастап оқу аудиторияларына дейін барлық маңызды әскери объектіде бейнебақылау камераларын орнатуды реттейтін бірлескен бұйрық әзірленіп, бекітілді. Мұндай шара бақылау деңгейін арттырып қана қоймай, кез келген төтенше жағдайға жедел ден қоюға мүмкіндік береді», - деді Бас әскери прокурордың орынбасары әділет полковнигі Мақсат Қазиев.

Сонымен қатар, алдын алу шараларының маңызды элементтерінің бірі әскери қызметшілерді үнемі тексеру, жас сарбаздармен кездесулер өткізу және тәуекел топтарының өкілдерімен жеке әңгімелер өткізу болып табылады. Ведомство бұл шаралар өзінің тиімділігін дәлелдегенін атап өтті. Тексеру барысында жүйелі бұзушылықтар анықталып, кінәлілерді жауапқа тарту мүмкін болды.