«Кәдеге жарату төлемдері туралы барлық ақпарат қаржылық есептілік депозитарийінде және Қоғамның корпоративтік интернет-ресурсында орналастырылған. Сондай-ақ біз Үкімет пен Парламентке тұрақты түрде есеп береміз. Кәдеге жарату қаражаты Экология кодекстің 388-бабына сәйкес қатаң жұмсалады, онда қаражатты жұмсау бағыттары нақты көрсетілген. 2025 жылдың 11 айында кәдеге жарату төлемдерінің түсімдері 324 млрд теңгені құрады, оның ішінде көлік құралдарын, ауыл шаруашылығы техникасы мен автокомпоненттерін өндірушілерден шамамен 133,3 млрд теңге, импорттаушылардан жалпы түсімдер 172,8 млрд теңгені құрады. Техника мен автокомпоненттерді өндірушілерге 140,9 млрд теңгеден астам қайтарылды»,-деді спикер.
Үкіметтің 604 қаулысы шеңберінде қайтарымды негізде қаржыландырылатын жобаларға шамамен 125 млрд теңге бағытталды, оның ішінде тұрмыстық қатты қалдықтар жобаларына, өрттерді ерте анықтау жүйелерін сатып алуға, экологиялық катаклизмдердің алдын алу және жою үшін арнайы техника сатып алуға.
Экоколдауға қосылған кәсіпорындарға төлемдер 900 млн теңгені құрады. Мемлекеттік ұлттық саябақтарда, Астана және Жезқазған мектептерінде бөлек жинауды насихаттау шеңберінде жасалған шарттарды орындау үшін 115 млн теңге төленді. Мемлекеттік бюджетке 60,4 млрд теңге мөлшерінде салықтар мен дивидендтер аударылды. Жеке оператор 6 жыл ішінде бюджетке 54,2 млрд теңгеден аспайтын салық түрінде төлесе, мемлекеттік оператор мұндай ақша көлемін жыл сайын төлеп келеді.
