2022-2023 жылдары Қызылорда өңірінде 66 мыңнан астам азамат жаңа жұмыс орындарымен қамтылды. Оның 25 мыңға жуығы Мемлекет басшысының 10 мың адамға 100 жұмыс орнын құру тапсырмасы аясында орындалды. 2024 жылдың 10 айында 30 мыңға жуық жұмыс орны ашылды. Бұл жоспар жыл аяғына дейін толығымен орындалады. Жастар арасындағы жұмыссыздық көрсеткіші төмендеді. Бұл туралы Қызылорда облысының әкімі Нұрлыбек Нәлібаев ОКҚ алаңында хабарлады.