ЕАЭО елдерінің электрондық цифрлық қолтаңбаны өзара тану мәселесі қалай шешілуде? Бұл осы күнге дейін кәсіпкерлерге қатысушы елдердің мемлекеттік сатып алуларына қатысу үшін қиындықтар туғызады. Бәсекелестік және монополияға қарсы реттеу жөніндегі Алқа мүшесі (Министр) Арман Шаққалиевтің айтуынша, қолайсыздықтар бар, бірақ бұл уақытша.
«Белгілі бір қолайсыздықтар туындайды, әрине, өзге елде «өзіміздің» ЭЦҚ пайдалану әлдеқайда оңай: сатып алу өткізілетін елге барудың, филиалдар немесе өкілдіктер ашудың қажеті жоқ. Біз мемлекеттік сатып алуды цифрландырудың деңгейлері әртүрлі екенін негізге аламыз. Екінші мәселе – электрондық цифрлық қолтаңбалардың түпнұсқалығын растау және бірқатар техникалық аспектілер. Бүгінде консультациялар қарқынды түрде өткізіліп жатыр. Бұл мәселені жүзеге асыру қажеттілігі туралы нақты түсінік бар. Бірінші жартыжылдықта каскадтық жоспар деп аталатын елдік ауысуларды қарастыратын жоспарлар қарастырылады», - деді Шаққалиев.
Ол сондай-ақ өткен жылдың соңында 2025 жылға дейін ЕАЭО-ға қатысушы елдерде мемлекеттік сатып алуларды толық цифрландыруды жүзеге асыру туралы шешім қабылданғанын еске салды.
