Шалғайдағы ауыл тұрғындарына ыңғайлы болу үшін мобильді дәріханалар жұмыс істейді. Қазір олармен өңірдің барлық аудандары қамтамасыз етілген.
Халыққа медициналық қызметтердің сапасы мен қолжетімділігін арттыру облыстағы басым міндеттердің бірі болып табылады, бұл ретте ауылдық денсаулық сақтауды дамытуға ерекше назар аударылды.
Соңғы жылдары бүкіл өңір бойынша диализ орталықтарының желісі құрылды, бірқатар аудандық ауруханалар жөнделді және оларда заманауи диагностикалық жабдықтар орнатылды.
«Ауылдық денсаулық сақтау» ұлттық жобасы үлкен қолдауға ие болды. 2025 жылға дейін 92 медициналық нысанның құрылысы жоспарланған. Оның ішінде 13 дәрігерлік амбулатория, 24 фельдшерлік-акушерлік пункт, 54 медициналық пункт бар. Сондай-ақ Теміртау мен Балқаштағы ауданаралық ауруханалар жаңғыртылады.
Дәрігерлердің де тұрмыстық жағдайын жақсарту жұмыстары жалғасуда. Мәселен, «Дипломмен ауылға!» бағдарламасына қатысатын 60 жас маман тұрғын үй сатып алуға бюджеттік несиелер алды. Өткен жылы 200-ге жуық жас дәрігер пәтерлермен қамтамасыз етілді.
