Күн жаңалықтары
09.02.2026
Жарияланымдар · 8
Волонтерлік, құқықтар және референдумға дайындық: Конституциялық комиссия Негізгі заңға енгізілетін толықтыруларды қарады
Астанада Конституциялық комиссияның кезекті отырысы өтті. Жаңа Конституция жобасын талқылау жалғасуда. ҚР Конституциялық Сотының төрағасы, Конституциялық комиссияның төрайымы Эльвира Азимованың айтуынша, Комиссияның атына азаматтардан шамамен 5 мың ұсыныс келіп түскен. Азаматтардан, қоғамдық ұйымдардан, ғалымдар мен заңгерлік қауымдастықтан келіп түскен бірқатар ұсыныстар негізінде ҚР жаңа Конституциясы жобасына бірқатар толықтырулар енгізілді. Бұл туралы Конституциялық комиссияның оныншы отырысында ҚР Конституциялық Соты төрағасының орынбасары Бақыт Нұрмұханов айтып өтті.
Президент бірқатар заңға қол қойды
Мемлекет басшысы «Қазақстан Республикасының Үкіметі мен Моңғолия Үкіметі арасындағы зейнетақы саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды.
Мемлекет басшысы Азия инфрақұрылымдық инвестициялар банкінің президенті Цзоу Цзяиді қабылдады
Кездесуде Қасым-Жомарт Тоқаев Азия инфрақұрылымдық инвестициялар банкі еліміздің маңызды стратегиялық серіктесі саналатынын атап өтті. Қаржы институты Қазақстанда басымдыққа ие инфрақұрылымдық және инвестициялық жобаларды іске асыруға қатысады.
Мемлекет басшысы Sunwah Group корпорациясының төрағасын қабылдады
Президент Қасым-Жомарт Тоқаев Sunwah Group корпорациясының төрағасы, Қытай Халықтық саяси консультативтік кеңесі Бүкілқытайлық комитетінің Тұрақты комитет мүшесі, Гонконгтағы Қытай бас сауда палатасының төрағасы Цай Гуаньшэньмен кездесті.
Мемлекет басшысы Еңбек және халықты әлеуметтік қорғау министрі Асқарбек Ертаевты қабылдады
Президентке ведомство қызметінің биылғы басым бағыттары жөнінде баяндалды.
2026 жылғы 1 ақпандағы жағдай бойынша 138 мыңнан астам адамға атаулы әлеуметтік көмек көрсетілді
2026 жылғы 1 ақпандағы жағдай бойынша атаулы әлеуметтік көмек 25,8 мың отбасындағы 138,1 мың адамға 2,3 млрд теңге сомасында тағайындалды. Биыл бұл мақсаттарға бюджеттен 62,7 млрд теңге қарастырылған, деп хабарлайды ҚР Еңбек және халықты әлеуметтік қорғау министрлігі.
Еліміздің көлік саласы мен логистикалық әлеуетін дамыту
2025 жылы Қазақстанның көлік саласы еліміздің транзиттік-логистикалық әлеуетін нығайтуға, инфрақұрылымды жаңғыртуға және тасымалдау тиімділігін арттыруға бағытталған жүйелі дамуды жалғастырды. Бұл бағыттар Мемлекет басшысы Қасым-Жомарт Тоқаевтың тапсырмаларына сәйкес жүзеге асырылды, деп хабарлайды Primeminister.kz.