«АҚШ-та бірнеше ай бұрын жаппай вакцинация басталды. Қамту 28% құрады. Бір ай ішінде инфекция 3-4% - ға, өлім-жітім шамамен 30% - ға төмендеді. Бұл үлкен жетістіктер. Көптеген адамдар вакцинация шынымен пандемияны жеңе алатын тиімді құрал деп санайды. Жаппай егу науқанының өзі үлкен ынта-жігермен өтеді, адамдардың көбі вакцина алады, кезек бар. 65 жастан асқандарға, созылмалы аурулармен: қант диабетімен, астма, семіздікпен ауыратын адамдарға басымдық беріледі», - деді дәрігер.
Оның айтуынша, «Спутник V» - өте тиімді вакцина, бұл ғылымның үлкен жетістігі. Ол жоғары деңгейде қорғауды қамтамасыз етеді.
«Сондықтан мен барлық азаматтарды қалыпты өмірге тезірек оралудың керемет мүмкіндігін пайдалануға шақырамын. Вакцина, кез келген дәрі сияқты, дұрыс қабылдануы керек.
Вакцинациядан кейін бірден қауіпсіз аймақта болатыныңызды білдірмейді. Екі дозаны да алу өте маңызды. Сонда ғана ағзада індетті қайта жұқтырудан қорғайтын антиденелер пайда болады. Бірақ әрдайым маска тағып жүру керек. Себебі вакцинадан кейін сіз белгілі бір инфекцияны жұқтыру қаупіне ұшырайсыз. Тіпті вакцинациядан кейін КВИ тасымалдаушысы болуыңыз ықтимал. Сондықтан, ұжымдық иммунитетті қалыптастырмайынша, барлығына сақтық шараларын сақтау, оған байыппен қарау маңызды, сонда ғана біз осы пандемияны еңсере аламыз», - деп сендірді А.Шарман.
