«Әрбір электр есептегіш құралын тексеру интервалы бар. Ол ҚР өлшем бірлігін қамтамасыз ету реестрінде толық көрсетілген. Мысалы, электр беруші ұйым тексеріс барысында электр есептегіштің ақаулығын көретін болса, тұтынушыға ұйғарым беріп, электр есептегіш құралды тексеруге жібереді. Тексеріс нәтижесінде, құралдың жұмыс істеп тұрғаны анықталса, онда тексеруге жұмсалған қаражатты электр тасымалдаушы компания өз мойнына алады, яғни өзі төлейді. Ал егер электр есептегіштен ақауы табылса, тұтынушы оны өз қаражатына ауыстыруға тиіс. Бұл туралы Электр энергетикасын падлану қағидаларында жазылған», - деді спикер.
Автоматтандырылған электр есептегіштерге тоқталған ол, әрбір энергия беруші тасымаладушы компания өздерінің инвестициялық бағдарламаларында цифрландыру мәселесін қамтып, осы бағытта жұмыс істейтінін атап өтті. Егер тұтынушы пайдаланып отырған электр есептегіш құралды автоматтандыылған есептегіш құралға ауыстырмақ болса, оны энергия тасымалдаушы мекеменің бағдарламасы арқылы жүзеге асырады. Ал абонент электр желілеріне жаңадан қосылатын болса, ол электр тасымалдаушы мекеменің талабына сәйкес, автоматтандырылған электр есептегішін немесе жай құралды қоя алады.
