«QazVac» вакцинасының өндірісі қай деңгейде? Отандық екпе шығару жұмысы жолға қойылғаннан кейін оны экспортқа шығару жоспарда бар ма? Бүгін Орталық коммуникациялар қызметінде өткен брифингте журналистер спикерлерге осындай сұрақ қойды. ҚР Денсаулық сақтау бірінші вице-министрі Марат Шорановтың айтуынша, қазіргі кезде «QazVac» вакцинасының айына 50 мың дозасы шығарылады. Ал вакцина шығаратын зауыт іске қосылған соң бұл көрсеткіш арта түспек.
«Жалпы, зауытта «QazVac»-тан басқа вакциналар да өндірілетін болады. Оның қуаттылығы жылына 60 млн доза вакцинаны құрайды. Ал экспортқа келсек, көрші мемлекеттер, Еуропа мен Азияның өзге елдері отандық екпеге қызығушылық танытуда. Вакцинаны экспортқа шығару үшін оны Дүниежүзілік денсаулық сақтау ұйымында тіркеу керек. Осы мәселелер шешілген соң «QazVac» міндетті түрде өзге елдерге жөнелтіледі», - деді М.Шоранов өз жауабында.
Брифингтерден хабардар болғыңыз келе ме?
Біздің Telegram каналға жазылыңыз!