Орталық коммуникациялар қызметінде журналистің сұрағына берген жауабында Павлодар облысының басшысы Әбілқайыр Сқақов аталған шағын аудандардың тұрғындары жылумен қамтамасыз етілетініне сендірді. Мәселе басқада.
«42-ші жылу магистралі Дачный және Усолка шағын аудандары тұрғындарының мәселесін шешеді. Біз жылу беру маусымына дайындықтың 6 айында осы жобаны аяқтау міндетін алға қойып отырмыз. Бір шақырымнан астамы салынды. Мамандардың бағалауы және біз шешім қабылдағанға дейін кеңескен жылу беретіндердің сараптамасы бойынша жылытылмау проблемалары екі шағын ауданда шешіледі деген ортақ пікірге келдік. Оларда 30 мыңға жуық тұрғын тұрады. Бірақ болашақта бүкіл облыс орталығын толық орталықтандырылған жылумен жабдықтау тұрғысынан жылу көздерінің тапшылығымен проблемалар болады, шынымен, жұмыс істеп тұрған ЖЭО-1 жаңғырту немесе жаңа жылу орталығын салу, қаланың оңтүстік бөлігін дамыту үшін магистральдық инфрақұрылым салу қажет. Бізде солтүстікте екі ЖЭО тұр, ал қала оңтүстікке қарай өсуде», - деді әкім.
Қазіргі кезде мамандарды техникалық тексеру және бағалау жұмыстары жүргізіліп жатыр. Апта сайын мәселе қаралады. Әкімдік мәселенің шешімін белсенді іздеуде.
