Оның айтуынша, «Е-өтініш» электрондық өтініштер жүйесі мемлекеттік органдар жұмысының тиімділігін және азаматтардың өтініштерінің қаралу барысындағы ашықтықты арттырады. Өтінішті тікелей әкімдікте немесе ведомствода, сондай-ақ ХҚКО арқылы беруге болады. «Е-өтініш» жүйесі әрбір ауылдық әкімдікте де орнатылды.
«Жүйеге 10 мыңнан астам ұйым, мемлекеттік органдардың, ведомстволық бағынысты ұйымдардың 154 мың қызметкері қосылған. «Азаматтарға арналған үкімет» ХҚКО базасында 259 «Нәтиже» орталығы құрылды. Барлық өтініштер мемлекеттік органның кеңсесіне пошта арқылы немесе ХҚКО арқылы келіп түссе де, немесе электрондық өтініш болсын, барлығы «Е-өтініш» жүйесіне түсіп, тіркеледі деп жоспарлануда. Бұл мүлдем жаңа платформа деректерді оңтайландыруға және жеңілдетілген нысанда сот органдарына автоматты режимде беруге мүмкіндік береді. Сотқа жүгіну процесін әлдеқайда жеңілдетуге болады. Мемлекеттік органдар, ведомстволар арасында жүгірудің, түрлі хаттар жинаудың, бір министрлікке, содан кейін әкімдікке және басқа құқық қорғау органдарына да осындай өтініш жазудың қажеті болмайды. Барлығы «Е-өтініш» бірыңғай жүйесінде шоғырланады. Барлық цифрлық профиль, үндеу тарихы, шағымдар осында болады», - деп атап өтті вице-министр.
Айта кетейік, осындай цифрлық профильді құру арқылы бақылау күшейтіледі. Өйткені, Бас прокуратураға, Президент Әкімшілігіне және жоғары тұрған органдарға, тіпті ауыл әкіміне өтініш түссе де, өтініштер бойынша барлық процестерді бақылауға мүмкіндік береді. Кіріп, азаматтың қандай өтініші болғанын, ол қабылданды ма, жоқ па, оның себебі неде және өтініш қайда жіберілді, бәрін көруге болады.
«Е-өтініш» электронды өтініш жүйесі еліміздің барлық мемлекеттік органдарының кеңсесі болады. Бұл өтініш берушілерге өз өтініштерін қарау барысын бақылауға және берілген жауаптың сапасын бағалауға жол ашады.
