Оның айтуынша, 2020 жылдың желтоқсаны театр ұжымы үшін ерекше маңызды оқиға болды. Тәуелсіздік күніне орай Президенттің Жарлығымен Абай атындағы Қазақ мемлекеттік академиялық опера және балет театры – ұлттық театр жоғары мәртебеге ие болды.
Алдыңғы 86 театр маусымы бірқатар ауқымды іс-шаралармен аяқталуы керек еді. Абай Құнанбаевтың 175 жылдығын мерекелеу аясында Семей қаласына гастрольдік сапарлар жоспарланды. Сондай-ақ, 2020 жылдың көктемінде ТҮРКСОЙ халықаралық ұйымы елдерінің қатысуымен ауқымды «Абай Әлемі» Халықаралық фестивалін өткізу жоспарланған болатын. Сондай-ақ, «Абай» операсын және Абай өлеңдеріне арналған концерттік бағдарламаны ұсына отырып, шетелдік гастрольдерді жоспарлау бойынша жұмыс жүргізілді. Бірақ пандемия басталды.
«Былтыр көктемде орын алған оқиғалардан кейін, 86 театр маусымы күрт аяқталды. Алайда, театр ұжымы онлайн режимде жұмысқа белсене араласты. Бірегей бағдарламалар әзірленді, оркестр, хор және опера труппасының әртістері концерттермен тікелей эфирге шықты, көпшілік үшін спектакльдердің бейне мұрағаттарына қол жеткізу мүмкіндігі ашылды. Сондай-ақ, жоспарланған конкурс форматын өзгерту туралы мәселе пысықталды. Осылайша кәсіби емес орындаушыларға арналған «Абай әндері» байқауы дүниеге келді, оған Қазақстанның түкпір-түкпірінен 70-тен астам адам қатысты. Конкурстың қорытындысын шығару және жеңімпаздарды марапаттау тамыз айының басында, барлық шығармашылық ұжым жаңа маусымның басталуын күткен сәтте өтті», - деп атап өтті Тайыр Қаратаев.
Маусымның басында үш премьера ұсыну ұжым үшін өте қиын сынақ болды, алайда 87-ші маусым аясында театр тағы 2 ірі күрделі спектакль қоймақ болды. 87-ші театр маусымы, барлық шектеулерге қарамастан, маңызды театр оқиғалары мен премьераларға толы болды. Алдағы 88-ші маусымға дайындалып жатқан қойылымдар да қызықты әрі маңызды болмақ – деп үміт білдірді спикер.
