Карантиндік шектеулер енгізілгенге дейін Қазақстанға уақытша келген шетел азаматтарының 2021 жылдың 5 маусымына дейін құжаттары жарамды деп танылды және елімізде болу мерзімдерін бұзғаны үшін әкімшілік жауапкершілікке тарту шарасы қабылданбай, олардың шығуына рұқсат етілген болатын. Алайда, бүгінгі күні кейбір елдердің шекаралары жабық болуына байланысты шетел азаматтары өз елдеріне қайта алмауда. Қазір олардың Қазақстанда болуы заңсыз болып отыр. Орталық коммуникациялар қызметінде өткен брифингте модератор «Отандастар қоры» КЕАҚ вице-президенті Мағауия Сарбасовтан осыған қатысты пікірін сұрады.
«Бұл шешім 2020 жылы желтоқсанда қабылданған. Бұл ел аумағында КВИ пайда болуы мен оның таралуына жол бермеу жөніндегі ведомствоаралық комиссияның шешімі. 2020 жылдың 16 наурызынан бастап 2021 жылдың 5 маусым аралығында шетелдіктердің құжаттарын жарамды деп тану туралы шешім қабылданды. Бір жылдан астам уақыт өтті. Бұл заң болғандықтан тіркелу керек немесе визану ұзарту қажет. ҚР азаматтығына да ұсыныс берсеңіздер оған Отандастар қоры, Дүниежүзі қауымдастығы тарапынан барша көмек көрсетуге дайынбыз. Егер бұл талаптар орындалмаса, онда әкімшілік жауапкершілікке тартылады. Мысалы, қазіргі кезде Моңғолиямен шекара жабық. Дегенмен, бұл талапты орындау керек», - деді спикер өз жауабында.
Брифингтерден хабардар болғыңыз келе ме?
Біздің Telegram каналға жазылыңыз!