«Көлеңкелі экономиканың үлесін 2025 жылға дейін 40%-ға төмендету үшін ҚР Қаржылық мониторинг агенттігімен бірлесіп экономиканың барлық салалары мен бағыттар бойынша Көлеңкелі экономикаға қарсы іс-қимыл жөніндегі іс-шаралар жоспарын өзектендіру жөнінде жұмыстар жүргізілуде. Ұлт жоспарының 42-қадамын орындау үшін 2021 жылғы 1 қаңтардан бастап жалпыға бірдей декларациялау кезең-кезеңімен енгізілді. Жалпыға бірдей декларациялауға көшу көлеңкелі айналымды, сыбайлас жемқорлық деңгейін төмендетеді және мемлекеттік бюджетке қосымша түсімдерді қамтамасыз етеді. Халықаралық мәліметтерді электронды түрде алмасу шеңберінде көпжақты конвенцияға қол қойылды. ҚР азаматтарының қаржылық шоттары бойынша 100-ден астам юрисдикцияда ақпарат алмасуды бастауды жоспарланған», - деді ҚР ҚМ өкілі.
ҚР ҚМ мәліметінше, бүгінгі күні декларацияны 476 мың адам немесе жалпыға бірдей декларациялаудың 99%-ы ұсынды. Өтініш берудің ең танымал тәсілі e-Salyq Azamat мобильді қосымшасы болып табылады, оның көмегімен декларацияның 52% ұсынылды.
