«Жалпы, пандемия басталғаннан бері облыста КВИ-мен ауырған 32130 жағдай тіркелді, оның ішінде 3447-сі пневмония. Бүгінде 29605 науқас жазылып шықты, 529 адам қайтыс болды. Облыстың жұқпалы аурулар ауруханаларында 658 науқас емделуде, 84 науқас жансақтау бөлімінде жатыр, оның ішінде 15 адам ӨЖЖ аппаратына қосылды, карантиндік стационарға 4 адам жатқызылды. Ауруханаларда ем алып жатқан жүкті әйелдер саны 51, соның ішінде реанимацияда 9 адам. 62 жүкті әйел үйлерінде емделуде», - деді облыс әкімінің орынбасары.
Руслан Хамбаров вирустың балалар арасында кең таралуына жол бермеу мәселесіне де баса назар аударылатынын атап өтті.
