«Коронавирустық инфекциясының алдын алу бойынша бірқатар іс-шаралар өткізілді. 2021 жылдың 1 қаңтарынан бастап 30 қыркүйекке дейін 38379 нысан мониторинг жұмыстарымен қамтылды. Барлық объектілерде коронавирустық инфекцияның таралуына жол бермеу бойынша санитариялық ағарту, түсіндіру жұмыстары жүргізілуде. Мониторинг қорытындысы бойынша 2462 жауапты тұлғаға хаттама толтырылып, жалпы сомасы 152 982 теңгеден астап айыппұл салынды. Соттың шешімімен 21 нысанның жұмысы уақытша тоқтатылды», - деді спикер. 


Шымкентте 8571 нысан «Ashyq» жобасы бойынша жұмыс істейді. Нысандарға «қызыл» және «сары» мәртебемен кіруге тырысқан 2 мыңнан астам адам анықталды. Сонымен қатар, 1 қыркүйектен бастап оқушылар арасында КВИ-дің 341 жағдайы оффлайн форматта оқитын оқушыларда тіркелді. Бүгінгі таңда қаланың 84 мектебінде 189 сыныпта карантин белгіленген.