Көптеген қалада ауаның ластану деңгейі жоғары. Бұл проблеманы шешу үшін қандай шаралар қабылданады? Орталық коммуникациялар қызметінде өткен брифингте ҚР Экология, геология және табиғи ресурстар министрі Серікқали Брекешев модератордың осындай сұрағына жауап берді. Оның айтуынша, бұл өзекті мәселе және негізгі ластаушылар осы қалаларда орналасқан кәсіпорындар болып табылады. Олардың жалпы саны - 16. Бүгінде олардың әрқайсысымен тиісті кездесулер өткізілді.
«Кәсіпорындар ластаушы шығарындыларды азайту үшін арнайы шаралар бекітті. Сол арқылы алдағы 5 жылда шығарындылар 20% азаюы тиіс. Сондай-ақ, ең озық қолжетімді технологиялар енгізіледі. Бұл жаңадан қабылданған Экологиялық кодекс шеңберіндегі басты міндеттердің бірі. Бұдан басқа, 2020 жылы қоғамның қатысуымен өңірлердің экологиялық проблемаларын кешенді шешу және ластаушы заттар шығарындыларын азайту бойынша жол карталары әзірленді. Бұл шаралар ауа сапасын жақсартуға септігін тигізеді», - деді министр.
Брифингтерден хабардар болғыңыз келе ме?
Біздің Telegram каналға жазылыңыз!