Жайылымдық алқаптарды мониторингтеу бөлігінде ведомство жай-күйіне, өнімділігіне және өсімдіктеріне, сондай-ақ жайылымдардың тозу дәрежесіне бағалау жүргізеді.
«3 жыл ішінде Қазақстанның 61 ауданының жайылымдық жерлері түгенделді, олардың цифрлық карталары жасалды. Ауданы 127,7 млн га құрады, бұл еліміздің барлық жайылым жерлерінің 68%-ын құрайды. Бұл талдау жайылымға арналған жаңа аумақтарды жоспарлаудың тиімді құралы бола алады. Біз мәселені таптық: 2021 жылы 45 ауданда МЖК ААЖ жүйесіне қатысы жоқ 39,9 млн га жайылымдық жер анықталды. Бұл ақпараттық жүйедегі қателер немесе деректерді кеш енгізу. 2020 жылдан бастап Мемлекет басшысының тапсырмасы аясында ауыл шаруашылығы мақсатындағы жерлерді ұтымды пайдалануға мониторинг жүргізілуде. Мониторинг жүргізу үшін ауыл шаруашылығы мақсатындағы барлық жерлерге 4 жыл ішінде мұрағат жиналды, МЖК ААЖ, АЖС және жер балансының деректерімен интеграция жүргізілді. Мониторинг әр жер учаскесі бойынша жүргізілді. Мынадай нәтижелер алынды: егістіктер бойынша 22 млн га зерттелді, оның ішінде 685 мың га – мақсатсыз пайдалану, яғни ішінара пайдаланылмайды немесе жайылымдар сияқты егістіктер, 1 млн га астам пайдаланылмайды; жайылым санаты бойынша 76 млн га жер балансы бойынша. 46 млн га зерттелді, 12,5 млн га - жүктеме жоғары, 7,4 млн га – жүктеме төмен, 11,6 млн га – АЖС деректері бойынша мал жоқ», - деп хабарлады спикер.
Айта кетейік, бір сиырға түсетін жүктеме 6-7 га құрайды, бірақ ол жануардың түріне және климаттық аймақтарға байланысты өзгеруі мүмкін.
