«Осы тапсырма шеңберінде біз денсаулық сақтау министрлігімен, цифрлық даму министрлігімен бірлесіп, мүгедектігі бар адамдарға кешенді қызмет көрсетуді трансформациялау бойынша жұмыс жүргізді. Яғни, азамат тек тұрғылықты жері бойынша емханаға баруы керек, қалғанының бәрі ақпараттық жүйелерді интеграциялау есебінен адамның қатысуынсыз өтеді. Барлық деректер тиісті мемлекеттік органдарға беріледі және құзыретті сарапшылар қажетті шешімдер қабылдайды. Осы жоба аясында 2021 жылғы қазан айынан бастап бүгінгі таңда 5000-нан астам азамат өтінім беріп, тиісті қызметті ала алды. Бұл кешенді жоба жаңа жылдан бастап Қазақстанның барлық өңірлерінде іске қосылды. Жұмыс жалғасады және кеңейтіледі. Жыл соңына дейін біз осы формат бойынша өтініш білдіргендер санын жалпы жүгінген азаматтар санының 20% - ға дейін арттыруды жоспарлап отырмыз. Бұл шамамен айына 4000-5000 мүгедектігі бар адам», - деді спикер.
Тағы бір мәселе шешілді. Мүгедектік белгіленгеннен кейін азаматтар жыл сайын әкімдік жанындағы жұмыспен қамту және әлеуметтік бағдарламалар бөлімдеріне барып, оңалтудың техникалық құралдары мен қызметтерін алуға өтініш жазатын. Содан кейін кейде бірнеше айға созылған мемлекеттік сатып алу рәсімдері өткізілді. Бұл ретте сапа туралы айтылмайды.
«Осындай проблемалық мәселелерді болдырмау үшін өткен жылдан бастап әлеуметтік қызметтер порталы іске қосылды, онда азаматтар тауар немесе қызмет жеткізушісін өз бетінше таңдай алады, мемлекетке жеткізушіге шығындарды өтеу ғана қалады. Осы порталды енгізу есебінен 2019 жылмен салыстырғанда (қамтамасыз ету көрсеткіштері 62% деңгейінде болды) көрсеткіш 2021 жылы 88% - ға дейін ұлғайды. Бұл бұрын мүгедектігі бар адамдар үшін әртүрлі себептермен 100 000 қызмет көрсетілмегенін білдіреді», - деп атап өтті ЕХӘҚМ өкілі.
Биыл министрлік порталда пилоттық режимде инватакси қызметін енгізуді жоспарлап отыр, бұл оның мүгедектігі бар адамдар үшін қолжетімділігін арттыруға мүмкіндік береді.
