Пилоттық топ ЖПҚ жоспарлау мен басқарудың ағымдағы жүйесін талдады, қолданыстағы модельдің негізгі сипаттамалары туралы қорытынды жасады.  

«Атап айтқанда, басқару жүйесінде жауап беруге назар аудара отырып, жұмыстың ескірген қауырт стилі басым екендігі дәлелденді; басқару сандық көрсеткіштерге баса назар аудару арқылы жүзеге асырылады; Халықпен жоспарлы профилактикалық жұмыс екінші жоспарға кетеді; ресурстар мен әдістемелік сүйемелдеудің жеткіліксіздігіне байланысты аналитика шектеулі. Сонымен қатар, полиция жұмысының сапасын бағалау критерийлерін белгілеу үшін пилоттық аумақтың тұрғындары арасында сауалнама жүргізілді. Ең төменгі сапа стандартын құрайтын 5 негіз белгіленді: заңдылық, уақтылық, ақпараттылық, құрмет және кәсіпқойлық. Осы критерийлерге қол жеткізу үшін сапалы жеке қызмет көрсетуді, яғни полицияның өтініш берушілермен, жәбірленушілермен және құқық бұзушылармен кәсіби ашық жұмысын қамтамасыз ету маңызды. Ғылыми зерттеулерге сәйкес, дәл осындай полицейлермен байланыс сапасы қоғам сенімінің басты драйвері болып табылады», - деп атап өтті спикер. 


Келесідей ұсынымдар әзірленді: жергілікті қоғамдастықтың қажеттіліктерін ескере отырып, жоспарлауды орталықсыздандыру және проблемаларды жергілікті жерлерде шешу; учаскелік және патрульдердің іс жүргізу дербестігі мен жауапкершілігі; кешенді талдау негізінде алдын алу; сапаны тұрақты жақсарту қағидаты; қызметті барынша цифрландыру. 

«Әзірленген тәсілдерді іске асыру үшін учаскелік инспекторларға қауіпсіздік проблемаларына талдау жүргізу дағдылары мен әдістемесіне оқыту жүргізілді. Процестерді оңтайландыру учаскелік инспекторларға өз учаскелерінде көбірек болуға, мағынасыз сапарларға уақыт жұмсамауға мүмкіндік берді. Қазақ гуманитарлық заң университеті мен Нұр-Сұлтан қаласы әкімдігінің қолдауымен пилоттық ауданда сервистік модель талаптарына жауап беретін заманауи учаскелік полиция пункті ашылды. Онда азаматтармен және ұйымдармен коммуникация тәсілдері пысықталуда. Осы стандарттарға сәйкес полицияның барлық учаскелік пункттерін келтіруді жоспарлап отырмыз», - деді спикер.