«Біз көлікке, қалалық тіндерге талдау жүргіздік. Егер 10 мың метрлік жаһандық масштабта қарасаңыз, онда біз негізгі ірі аудандар арасында кедергісіз қозғалуға ықпал ететін жақсы, геометриялық дұрыс, қарапайым көше желісінің бар екенін көреміз. Ал 800 метрлік масштабтағы жергілікті талдауға қарасақ, онда жеке аудандарда, анклавтарда олардың құрылымында толыққанды көшелер жоқ екенін байқаймыз, бұл қаланың жалпы байланысын бұзады, кең магистральдық көшелер аудандарды бөліп тастайды. Қала кеңістігі бөлінеді және бұл маятникті қоныс аударуға әкеледі. Сондай-ақ, қалалық орталықтарды да талдадық. Қаланың өзі бірнеше жергілікті орталықтан тұрады, яғни даму мен осы орталықтар арасындағы байланыстың полиорталық моделімен сипатталады, өкінішке орай, олар толығымен тиімді салынбаған. Солтүстік бөлігі неғұрлым белсенді, тартымды, ал оңтүстік бөлігі бүкіл қаладан әлеуметтік оқшауланған. Әрине, бұл дұрыс емес, өйткені бұл әлеуметтік шиеленіс тудырады, бұл аудандар гетосының даму әлеуетін қалыптастырады, ал біз Павлодарда мұндай жағдай болмағанын қалаймыз», - деп қорытындылады спикер.
Урбанистер көшелерді қайта құрудан бастауды ұсынады. Негізгі 12 көше таңдалды. Олар аз шығынмен, бірақ барынша тиімді орындау үшін 3 блокқа бөлінді, яғни кезекпен жүзеге асырылады.
