Сондай-ақ, қосымшада жеке кәсіпкердің тіркеу деректерін өзгерту функционалы қосымша пысықталуда.
«Жеке кәсіпкердің орналасқан жері бойынша мекен жайды, қызмет түрлері мен басқаларды өзгерту. Бұл басқа ақпараттық жүйелермен интеграцияға әсер ететін процедура. Ол бойынша жұмыстар сәтті аяқталғаннан кейін оны қосымшада жариялаймыз. Осылайша, «E-Salyq-Business» мобильді қосымшасының көмегімен кәсіпкерлер салық органдарына бармай-ақ, барынша мүмкін болатын қызметтер спектрін қашықтан алатындай етіп жасауға тырысудамыз. Тұтастай алғанда, кәсіпкерлер аталған өнімге қызығушылық танытып отыр. Мобильді қосымшаның қолдау қызметіне келіп түскен барлық ұсыныстар мен ескертулер талқыланып, ең қызықты және қажеттісі жұмыс жоспарына енгізіледі», - деді Панбаев.
Сондай-ақ, биыл жыл соңына дейін «E-Salyq Business» қосымшасын алдағы уақытта фермерлер мен шаруа қожалықтары да пайдаланатындай етіп, функционалын кеңейту жоспарланып отыр.
Функционалдың жұмысын жетілдіру бойынша жұмыс үнемі жасалуда.
