Соңғы 5 жылда өндірісте зардап шеккендердің саны 12,5% азайды

ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің төрағасы Ербол Нұрғалиев Орталық коммуникациялар қызметінде өткен брифингте жұмыскерлердің еңбек құқығын қорғау, сонымен қатар ҚР кәсіпорындарында Еңбек қауіпсіздігі және еңбекті қорғау туралы Заңның сақталуы жайлы баяндады. Қауіпсіз еңбек жағдайларын жасау және өндірістік жарақаттануды азайту ҚР Үкіметі мен ведомствоның негізгі міндеттерінің бірі болып табылады. Қабылданған шаралардың нәтижесінде соңғы 5 жылда өндірісте зардап шеккендер саны 12,5%-ға, қаза болғандар саны 16,2% - ға азайды.