«100 күн – 100 сұрақ» жобасы аясында Денсаулық сақтау министрлігі терапевт тексерусіз тар шеңберлі мамандарға жазылу мәселелерімен байланысты азаматтардан көптеген өтініштер алды. Халықты мамандардың қабылдауына жазу тәртібін жеңілдету үшін ҚР Денсаулық сақтау министрінің 27 сәуірдегі бұйрығымен белгілі бір жағдайларда учаскелік дәрігердің жолдамасынсыз амбулаториялық жағдайда мамандардың қабылдау тәртібі анықталды. Бұл шұғыл жағдайларда және жарақаттарда, оның ішінде офтальмологиялық, оториноларингологиялық және басқа да жарақаттарда; тіркелген жері бойынша акушер-гинекологқа және психологқа шұғыл және жоспарлы стоматологиялық көмек көрсету; онкологиялық және гематологиялық бейіндегі, динамикалық бақылау ауруының бейіні бойынша ауруларға күдік, бір жағдай шеңберінде бейінді маманға қайта қабылдау кезінде, неоплазмаға күдік туындаған кезде мүмкін болады. Сондай-ақ, бастапқы онкологиялық пациент маршруты бекітілді, онда онкологиялық ауруға күдік келтірілген пациенттер «жасыл жол» бойынша, яғни жалпы кезектілік пен шектеулерден тыс, 18 жұмыс күні ішінде амбулаториялық-емханалық деңгейде консультация алады және тексеріледі. Диагнозды одан әрі растау онкологиялық орталықтарда 15 жұмыс күні ішінде жүргізіледі, бұл онкопатологияның алғашқы диагнозын уақытылы қоюға және емдеуді бастауға мүмкіндік береді. Сонымен қатар, көп бейінді орталық аудандық ауруханалар деңгейінде медициналық көмек көрсету тәсілдері жетілдірілуде. Аталған стационарлар құрылымында инсульт орталығын және/немесе жіті миокард инфарктісі кезінде тері арқылы коронарлық араласу орталығын құру, 2-деңгейлі перзентхана, эндоскопиялық аз инвазивті операциялар жүргізу үшін хирургия бөлімшесін, политравма кезінде көмек көрсету үшін травматология бөлімшесін және заманауи оңалту бөлімшесін ашу жоспарланған», - деді спикер.
Ең үздік тәжірибе ШҚО көпсалалы орталық аудандық ауруханасында (Аягөз қ., Алтау қ.) тіркелді. Аймақтандырудың 2-3 деңгейі әлемдік және отандық тәжірибеде қолданылатын диагностика мен емдеудің заманауи әдістерін көрсетуге мүмкіндік берді.
Медициналық-санитариялық алғашқы көмек деңгейінде ТМККК пакетінде аурулардың алдын алу және ерте анықтау мақсатында халықты профилактикалық қарап-тексеруді кеңейту мәселесі пысықталуда. Биыл пилоттық режимде ауыл деңгейінде қамтылатын болады. 2023-2025 жылдарға арналған қосымша қаражат қолдау тапқан жағдайда тәжірибені елдің барлық аумағында тарату көзделген. Алғаш рет жастарды 18-ден бастап скринингтік зерттеулермен қамту жоспарланған.
