"Түркістан облысы Қоғамдық денсаулық басқармасының бастығы Марат Пашимовпен және медициналық ұйымдардың бірінші басшыларымен бірлесіп, жарылыс кезінде зардап шеккендер жатқызылған клиникаларды аралап шықтық. Екі пациенттің жағдайы тұрақты, ауырлығы орташа 7 пациент бар, қажетті бейінді медициналық көмек толық көлемде көрсетілді. Науқастармен әңгімелесу жүргізілді, көрсетілетін медициналық көмектің сапасына пациенттер қанағаттанды", - деп хабарлады бүгін Денсаулық сақтау министрлігінің өкілі.
"Жаңа туған нәрестелер мен жүкті әйелдерді ауруханаға жатқызу бағытын өзгерту бойынша ұйымдастыру шаралары жалғасуда. Барлық жүкті және жаңа туған нәрестелер ерекше бақылауға алынды", - деп атап өтті М.Ембергенова.
"Ғимарат пен жабдыққа келтірілген залалды бағалауды, сондай - ақ жеке дәріханаларды тексеруді арнайы құрылған комиссия жүргізеді",-деп қорытындылады Түркістан облысы Қоғамдық денсаулық басқармасының басшысы Марат Пашимов.
Естеріңізге сала кетейік, кеше, 22 мамырда Шымкент қаласында №1 облыстық перинаталдық орталықтың жанында орналасқан жеке дәріхана ғимаратында жарылыс болды.
