Әбілқайыр Сқақов балалар, стритбол және гимнастика алаңдарын, әткеншектерді қарап шықты. Үйдің байырғы тұрғыны Надежда Сидаш әкім мен мердігер ұйымға алғыс айтты.
- Біз ауламыздың абаттандырылуын отыз жыл бойы күттік, - деді Надежда Сидаш. - Бұрын мұнда құм алаңы мен ескі баскетбол қалқаны ғана болған еді.
Аймақ басшысы облыс орталығын тұрғындар үшін барынша жайлы ету керектігін атап өтті.
- Біз барлық шағын аудандардағы аулаларды жоспарлы түрде көркейтумен айналысамыз, - деді ол. - Қаланың әр бұрышында павлодарлықтардың сүйікті демалыс орындары болуы тиіс.
Әбілқайыр Сқақов балаларға баскетбол доптарын сыйлап, естелікке суретке түсті. Ол тұрғындардың өтініші бойынша қала әкіміне тор тәріздес әткеншек құруды тапсырды.
