Осыған қарамастан, 900-ден астам вагонның мерзімі 30 жылдан асады, олар сұраныстың өсу кезеңінде пойыздарға қосылады. Бұл мәселені шешу үшін министрлік еуропалық технологиялар бойынша отандық жолаушылар вагондарының өндірісін ұйымдастыруды жоспарлап отыр.
«Бизнесті, атап айтқанда, жолаушылар паркін жаңарту бойынша тасымалдаушыларды қолдау және ынталандыру мақсатында жолаушылар тасымалын субсидиялау, жолаушылар вагондарын сатып алу кезінде сыйақы мөлшерлемелері бойынша шаралар қабылдануда, сондай-ақ еуропалық стандарттар бойынша жолаушылар вагондарын өндіруді ұйымдастыру үшін швейцариялық «Штадлер» компаниясын тарту мәселесі пысықталуда. 2029 жылға дейін осындай 530-дан астам вагон сатып алынады. Жолаушылар мен вагондарға қатысты белгілі бір шағымдар бар екені белгілі. Соңғы 5 айда 5 мыңнан астам өтініш келіп түсті. Әрқайсысы қаралып, тиісті шаралар қабылданды. Оның ішінде 200-ден астам вагон тексерілді, 431-ге жуық бұзушылық анықталды, 32 млн теңгеге айыппұл салынды», - деп атап өтті спикер.
Айта кетейік, қазір жолаушылар тасымалы стандарттары сервисті жақсарту және тасымалдаушыға қойылатын талаптарды күшейту үшін түзетілуде.
