Оның айтуынша, арнайы экономикалық аймақта 32 инвестициялық жоба жүзеге асырылып жатыр. Бұл жобаларға тартылған инвестициялар құны 55 млрд теңгеден асты. Нәтижесінде 2500 жұмыс орны құрылды.
«Оңтүстік» АЭА-нда 12 жылдың ішінде 126 млрд теңгенің өнімі өндірілді. Оның жартысы, яғни 49,8% экспортталады. Экспорт географиясы өте кең. Шығысында Жапонияға, батысында АҚШ пен Канадаға, Солтүстігінде Финляндия, оңтүстігінде Сауд Арабиясы мен Иран сияқты 23 мемлекетке жеткізіледі. Бірінші жартыжылдықта төленген салық және әлеуметтік төлемдер құны 7 млрд теңгеден асты. Қазір жұмыс істеп жатқан кәсіпорындарға құйылған инвестициялар құны мемлекеттік 1 теңгеге 7 теңгені құрайды. Жүзеге асыру барысындағы жобаларды қоса есептегенде 16 теңгеге жақындап отыр.
2021 жылы аймақтағы кәсіпорындардың жалпы өндіріс көлемі екі есе артты. 2020 жылы 15 млрд-тың өнімі шығарылса, 2021 жылы бұл көрсеткіш 30 млрд құрады. Бұл үлкен жетістік. Экспорт 45% өсті. Салық төлемдері 54% жетті. Жұмыс орындары 28% өсті. Биылғы бірінші жартыжылдықтағы көрсеткіштер жақсы. Өндіріс көлемі 70% артты. Қазіргі геосаяси ахуалға байланысты экспорт төмендеді, бірақ салық пен жұмыс орындарының құны артты», - деді АЭА басқарма төрағасы.
Спикер бүгінде АЭА-ның мемлекет экономикасының өндіріс салаларындағы маңызын ерекше атап өтті Қазақстандық жеңіл өнеркәсіптің 20% астамы «Оңтүстік» АЭА шығарылады. «Оңтүстік» АЭА негізгі басымдықтары: өзін-өзі қамтамасыз етеді; салалық кластер құру міндетін орындады; өз білім беру орталығы бар; тоқыма саласындағы елеулі үлесі бар; бірегей өндіріс ошақтарының алаңы болып табылатын Қазақстандағы жалғыз арнайы экономикалық аймақ.
