Олар – ұзақ мерзімді шарт жасасуға жеткізушілерді іріктеу критерийлері қайта қаралды, R&D орталықтарын құру, қымбат инновациялық препараттарға ұзақ мерзімді шарттар жасасу, қайталама қаптамаға шығарылған қазақстандық сертификатты алу мүмкіндігі, стратегиялық дәрілік заттар мен медициналық бұйымдар үшін ұлттық тіркеу рәсімдерін сақтау, Нұр-Сұлтан, Шымкент, Ақтөбе қалаларында кластерлік бастаманы дамыту.
«Әрине, Бигфармның ірі ойыншыларымен өзара әрекеттесуге ерекше көңіл бөлініп, бүгінде РОШ, Новонордиск, АстраЗенека, Сандоз, Такеда сияқты жаһандық фармацевтика алыптарымен бірқатар жобалар жоспарланған. Қазіргі уақытта РОШ компаниясымен Қазақстанның білім беру және ғылым саласындағы флагманы болып табылатын Назарбаев Университеті базасында зертханалық диагностика бойынша құзыреттер мен инновациялар орталығын құру жөніндегі жоба іске асырылуда. Сондай-ақ Қазақстанның денсаулық сақтау министрлігі РОШ компаниясымен онкологияға қарсы дәрі-дәрмектердің бірлескен өндірісін ашу бойынша меморандумға қол қойды. Президенттің тапсырмасына сәйкес, Бірыңғай дистрибьютор базасында медициналық техниканы сатып алуды орталықтандыру бойынша белсенді жұмыс жүргізілуде. Медициналық техниканы орталықтандырып сатып алу биыл пилоттық режимде жүзеге асырылуда. Ал 2023 жылдан бастап жергіліктендіру/келісімшарттық өндіріс шарттарында ұзақ мерзімді шарттар жасасу жүргізіледі», - деді СК-Фармация басқарма төрағасы.
Бүгінде медициналық техниканың ірі әлемдік өндірушілерімен жергіліктендіру/келісімшарттық өндіріс мәселелері белсенді түрде пысықталуда. Canon, Philips, General Electric және басқа компаниялар өндірісті оқшаулауға қызығушылық танытты.
«Осының барлығы медициналық техниканы сатып алуды жоспарлаудың ашықтығын қамтамасыз етуге, қажетті медициналық жабдықпен жарақтану деңгейін арттыруға, сатып алуды шоғырландыру және техникалық тапсырманы біріздендіру есебінен оның құнын төмендетуге мүмкіндік береді. Сондай-ақ сервистік қызмет көрсету мен кадрларды оқыту сапасы артады, медициналық техника нарығында отандық тауар өндірушілердің үлесі артады», - деді Исқалиев.
