Алғашқы барған объектісі – онкологиялық диспнсер. Бұл облыстағы жалғыз маманданған онкологиялық мекеме және қажетті құралдардың бәрімен жабдықталған. Мекеменің стационары 200 төсек-орынға есептелген, ал емханасы ауысымына 100 адам қабылдай алады.
В.Дудник сәулелі диагностика және сәулелі терапия, эндоскопия, зертханалық-диагностикалық бөлімдермен танысты. Сондай-ақ вице-министрге жоғарытехнологиялық сәулелі терапия жүргізуге арналған заманауи Желілік жеделдеткіштің жұмысын көрсетті.
Айта кетерлік жайт, Павлодар облысының онкологиялық диспансерінде жыл сайын шамамен 1500 операция жасалады. Оның ішінде 20%-дан аса операция инвазивті әдісті аз қолданатын, заманауи эндовидеохирургиялық жолмен жүзеге асырылады.
Сонымен қатар вице-министр Павлодар қаласындағы 52 мыңнан аса адамға қызмет көрсететін №3 емханаға барды.
Вячеслав Дудник мұнда кешенді медициналық ақпарат жүйесі, ақпараттық-анықтамалық қызметтің енгізілуімен, баланы дамыту кабинетімен және емхана жанындағы жедел медициналық жәрдем бөлімшесімен танысты.
Емханада құзіретті мейірбикеге жүктеу арқылы учаскелік желінің жұмысын оңтайландыру үшін 3 мейірбике посты жасақталған. Медициналық қызметтің қолжетімділігін арттыру үшін кабинеттік тіркеу тәртібі, сall-орталық пен тіркеу бөліміне жүктемені азайту үшін цифрлық пост енгізілген.
Емхана ұжымы вице-министрмен кездесуінде алғашқы медициналық-санитариялық көмекті көрсеті және ұйымдастыру мәселелерін талқылады.
В.Дудник сондай-ақ Павлодардағы №1 қалалық ауруханаға барды. Бұл 440 төсек-орынға есептелген көпбейінді стационар. Аурухана құрылымында 22 клиникалық және 4 параклиникалық бөлім бар.
Вице-министр жансақтау бөлімінің, щұғыл зертхананың жұмысымен және жабдықталуымен, реконструкция жоспарымен танысты.
Стационарда облыс бойынша жалғыз көпбейінді бөлімшелер бар: нейрохирургия, жүрек-қантамыр хирургиясы, политравма, күйік шалғандарды емдеу және нефрология бөлімшелері бар. Нейрохирургия бөлімінің болғаны арқасында, инсульт алған науқастарға аралас ем жасалады.
Сондай-ақ ауруханада науқастарды операциялық емдеудің жоғарытехнологиялық әдістері кеңінен қолданылады. Медициналық көмек инновациялық диагностикалық және емдеу технологияларын қолдана отырып көрсетіледі.
