Айдын Ашуев бүгінгі таңда медициналық көмектің сапасын қамтамасыз ету үшін ағымдағы, мақсатты, жоспардан тыс, проактивті мониторинг жүргізілетінін атап өтті.


«Кемшіліктердің ең көп саны консультативтік-диагностикалық қызмет көрсететін жеткізушілерде анықталды. Көбінесе төлем жасауға тым көп қызметтер саны ұсынылған. Оның ішінде қор сарапшылары жалпы сомасы 214,2 млн теңгені құрайтын медициналық қызмет көрсетудің 28 мыңнан астам расталмаған жағдайын анықтады. Қор мониторингі «жалған жазылуларды» анықтауға мүмкіндік береді. Мұндай жағдайларда өнім берушіден қызмет құнының үш еселенген мөлшері алынады. Біз жеткізушілерге қойылатын талаптарды одан әрі қатаңдатуға, сол арқылы медициналық қызмет сапасына әсер етуге және пациенттер алдындағы жауапкершілікті арттыруға ниеттіміз», - деп мәлімдеді қор басшысы.   


Бұдан басқа, Қор 2 жыл ішінде проактивті мониторинг енгізіп, жүргізуде, онда анықталған бұзушылықтарға айыппұл санкциялары қолданылмайды, бірақ оларды 45 күн ішінде жоюға мүмкіндік беріледі. Осы мерзім өткеннен кейін ақаулар жойылмаған сомалар төлемнен алынады. 2021 жылдың қорытындысы бойынша жеткізушілер осы мүмкіндікті пайдаланып, анықталған 7 млрд теңгенің 5,3 млрд теңге сомасына бұзушылықтар жойылды.